كل جرح فيك… كان بيصنع بطل مش شايف نفسه

فيه جروح… ما بتتعالجش بمرهم
ولا بتتنسي بنوم
ولا بتتنسى بكلام

فيه جروح مهمتها إنها
تعلمك تمشي بعينك مفتوحة
وبقلبك أقوى
وبضميرك صاحي.

اللي خذلك، علمك ما تعتمدش
اللي استغلك، خلاك تشوف نيتك النضيفة
اللي خانك، خلاك تفهم قيمة الوفا

وكل ضربة، كانت بترسم خط على جلدك…
بس كانت بتكتب سطر في حكايتك.

مش لأنك ما غلطتش
ولا لأنك ما تندمش

لكن لأنك فهمت إن كل جرح،
هو اللي عملك

أنت ماشي في وسط الناس
شايل فوق ضهرك أيام محدش شافها
وداخل في قلبك حكايات
ما تتحكيش حتى لأقرب الناس

لكنك… ساكت، مكمل، ثابت

لأنك فهمت إن البطولة مش دايمًا في النصر
أحيانًا البطولة… في إنك ما تنكسرش.

فيه فرق كبير بين اللي بيقع ويفضل تحت،
واللي يقع ويتحول
من عيل ضعيف… لبطل هادي
من شخص طيب… لحكيم واثق

كل جرح فيك؟
كان بينحت حاجة مشفتهاش وقتها،
بس دلوقتي… بتعيش بيها.

أوعى تخلي الناس تقنعك إنك ضحية ظروف
ولا ضحية أهل
ولا ضحية وطن

أنت بطل… مش شايف نفسه
لكن كل حاجة جواك… بتشهد عليك

السبع المثاني